С.Анхбаяр: Хар тамхи хэрэглээд ард түмнээрээ өмгөөлүүлнэ ай. Манайх л ийм тэнэг байх шүү. Бусад улсад шууд карьер нь дуусна
Дуучин Б.Амархүү 21 аймгийг тойрсон аялан тоглолтынхоо үеэр орон нутгийн театрын удирдлагуудын харилцаа хандлагыг шүүмжилсний хариуд Увс аймгийн Засаг даргын орлогч С.Анхбаяр "Хар тамхичинд цаг гаргаж өгсөн театрын удирдлагуудад хариуцлага тооцуулна" хэмээн мэдэгджээ.
Уг үйл явдал нь дуучин Б.Амархүү Улаангом дахь "Ойрад" театрт тоглолтоо хийхээр төлөвлөх үед эхэлжээ. Тэрээр театрын захиргааны зүгээс мэргэжлийн бус, хариуцлагагүй, бүдүүлэг хандсан хэмээн олон нийтийн сүлжээнд шууд дамжуулалт хийх үеэрээ ярьжээ. Гэвч уг шүүмжлэлийн хариуд аймгийн Засаг даргын орлогч С.Анхбаяр огт өөр өнцгөөс хариу барьж, хар тамхины хэрэгт холбогдож байсан хүнд улсын төсөвт соёлын байгууллагын тайзыг гаргаж өгсөн хэмээн театрын удирдлагуудын шийдвэрийг буруутгав.
Буриадын Гавьяат жүжигчин Б.Амархүүгийн хувьд 2019 онд марихуан хадгалсан хэргээр баривчлагдаж, анхан шатны шүүхээс хоёр жилийн хорих ял сонсож байсан бараан түүхтэй.
Уг үйл явдал нь гэмт хэрэгт холбогдож байсан олны танил эрхмүүдийг нийгэмд дахин хүлээн зөвшөөрөх эсэх, мөн орон нутгийн соёл урлагийн байгууллагуудын ёс зүйн хэм хэмжээ ямар байх ёстой талаарх мэтгэлцээн цахим орчинд өрнөж байна.
Сэтгэгдэл (63)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.