“Дуугүй хот” – 2030 он гэхэд машингүй бүс бий болно

Дэлхийн томоохон хотууд автомашины дуу чимээ, агаарын бохирдлыг бууруулах зорилгоор “car-free city” буюу машингүй бүс байгуулах туршилтыг эрчимжүүлж эхэллээ.

Парис, Барселона зэрэг хотууд аль хэдийн төвийнхөө зарим хэсэгт автомашины хөдөлгөөнийг хязгаарлаж, явган болон дугуйн замыг нэмэгдүүлээд байна.

Сонирхолтой нь, эдгээр бүсэд:

~Агаарын бохирдол 30-40 хувь буурч 

~Иргэдийн стрессийн түвшин мэдэгдэхүйц багасч

~Жуулчдын тоо нэмэгдсэн үзүүлэлт гарчээ.

Хотын удирдлагуудын хэлж буйгаар, ирээдүйн хотууд “чимээгүй, цэвэр, хүн төвтэй” байх ёстой гэнэ. Зарим судлаачид 2030 он гэхэд дэлхийн томоохон хотуудын төв хэсэгт хувийн автомашины хөдөлгөөн бараг бүрэн хориглогдоно гэж таамаглаж байна. Иргэд ажилдаа алхаж, дугуйгаар зорчиж, нийтийн тээврийг түлхүү ашиглах шинэ соёл руу шилжиж эхэлжээ.