Европт хэт халалтын давалгаа үргэлжилж байна
Дэлхийн цаг уурын байгууллагын мэдээлснээр Европ тив дэлхийн дунджаас илүү хурдтай дулаарч байгаа бөгөөд сүүлийн өдрүүдэд хэд хэдэн улсад агаарын температур түүхэн дээд түвшинд хүрчээ.
Францын баруун өмнөд хэсгийн Писос хотод агаарын температур 44.3 хэм хүрсэн нь энэ оны хамгийн өндөр үзүүлэлтүүдийн нэг болоод байна. Үүнтэй холбоотойгоор тус улсын зарим бүс нутагт сэрэмжлүүлэг зарлаж, олон нийтийн газруудын үйл ажиллагааг түр хугацаанд хязгаарлажээ.
Мөн Испани, Их Британи, Итали зэрэг орнуудад хэт халуун цаг агаар үргэлжилж байгаа тул эрх баригчид иргэдэд өдрийн халуун үед гадаа удаан байхгүй байх, шингэн зүйл тогтмол хэрэглэх, өндөр настан болон бага насны хүүхдүүдэд онцгой анхаарал тавихыг зөвлөж байна. Цаг уурын байгууллагуудын мэдээлж буйгаар Европын зарим бүс нутагт агаарын температур ойрын өдрүүдэд өндөр хэвээр хадгалагдах төлөвтэй байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.