🔴ЦЕГ: Амиа хорлосон байж болзошгүй бичлэгийг түгээсэн этгээдэд хуулийн хариуцлага хүлээлгэнэ
Сонгинохайрхан дүүргийн 29 дүгээр хорооны нутаг дэвсгэрт байрлах "Драгон" төвийн гурван давхраас өчигдөр буюу долоодугаар сарын 27-ны өдрийн 14:30 цагийн орчимд 25 настай иргэн унаж, амь насаа алдсан харамсалтай хэрэг гарсан.
Цагдаагийн байгууллагаас мөрдөн шалгах ажиллагааг үргэлжлүүлэн явуулж, урьдчилсан байдлаар амиа хорлосон байж болзошгүй нөхцөл байдал тогтоогдсон байна.
Уг хэрэгтэй холбоотой бичлэг цахим орчинд цацагдаад байна. Энэ нь цахим орчныг хэрэглэж буй хүүхэд, залуучуудын сэтгэхүйд сөрөг нөлөө үзүүлэхүйц, зохимжгүй агуулгатай тул хэвлэл мэдээллийн байгууллага болон иргэдийг ийм төрлийн бичлэг, дүрсийг түгээхгүй байхыг уриаллаа.
Мөрдөн шалгах ажиллагааны нотлох баримт, бичлэгийг задруулсан асуудалд Эрүүгийн хууль болон Зөрчлийн тухай хуулийн дагуу хариуцлага тооцдог. Хуурамч хаягаар бичлэг тарааж буй үйлдлүүдийг бүртгэлд авч, хуулийн хэрэгжилтийг ханган ажиллана хэмээн цагдаагийн байгууллагаас мэдэгдлээ.
Сурталчилгаа
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.