Тэмцэгч гэх Г.Солонго, Г.Адилбиш нар шүүхийн шийдвэрийг эсэргүүцэж гомдол гаргажээ
Тэмцэгч гэх Г.Солонго, Г.Адилбиш нарыг дахин 30 хоног хорих шийдвэр гаргасныг тэд эсэргүүцэж гомдол гаргажээ.
Тодруулбал, Монгол Улсын Засгийн газрын шийдвэрээр газрын тосны хайгуулын чиглэлээр үйл ажиллагаа явуулдаг "Монголиа файсон энержи" компаниас Сүхбаатар аймгийн Сүхбаатар сумын тавдугаар багийн нутаг дэвсгэрт байрлуулсан кемпийн ажилчдын байр руу өөрсдийгөө тэмцэгч гэх Г.Солонго, Г.Адилбиш нарын иргэд зөвшөөрөлгүй нэвтэрч, эд хөрөнгөд нь халдаж, тэдний эрх чөлөөнд халдаж, сөгдүүлж суулган шууд дамжуулалт хийж олон нийтийн сүлжээнд нийтэлсэн.
Үүнд, цагдаагийн байгууллагаас шалгалтын ажиллагааг эхлүүлж, дээрх иргэдийг 48 цагийн хугацаатай цагдан хорьж, улмаар Дорнод аймгийн сум дундын анхан шатны шүүх хуралдаж 2026 оны наймдугаар сарын 18-нд тэднийг 30 хоногийн хугацаатай цагдан хорих шийдвэр гаргасан байдаг.
Тэгвэл өчигдөр буюу 2026 оны есдүгээр сарын 14-ний өдөр тэднийг дахин 30 хоног хорих шийдвэр гаргасныг албаныхан мэдээлсэн юм. Хоригдож байгаа иргэд энэ шийдвэрийг эсэргүүцэж, гомдол гаргажээ.
Сэтгэгдэл (24)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.