Испанид орон сууцны хямрал хурцдаж, ээлжит бус сонгууль зарлав
Испанийн Мадрид хотод 87 настай эмэгтэйг түрээсийн байрнаас нь албадан нүүлгэсний дараа тэрбээр эмнэлэгт нас барсан хэрэг олон нийтийн эсэргүүцэл дагууллаа.
Марикармен гэх эмэгтэй тус орон сууцанд 70 гаруй жил амьдарсан бөгөөд түрээсийн төлбөр огцом нэмэгдсэний улмаас есдүгээр сарын 23-нд байрнаас нь албадан гаргажээ. Уг хэргийн дараа иргэд түрээсийн үнийг хязгаарлах, албадан нүүлгэлтийг зогсоохыг шаардан жагссан байна.
Үүний зэрэгцээ Испанийн парламентын улс төрийн мухардмал байдал үргэлжилж, Ерөнхий сайд Педро Санчес парламентыг тарааж, арваннэгдүгээр сарын 29-нд ээлжит бус сонгууль явуулахаар зарлажээ. Орон сууцны хүртээмж, түрээсийн үнийн өсөлт сонгуулийн гол маргаантай асуудлуудын нэг болж байна.
Энэ хэрэгтэй холбоотойгоор Испанийн нийслэл Мадрид хотын Пуэрта-дель-Соль талбайд орон сууцны хомстол, түрээсийн үнийн өсөлтийг эсэргүүцсэн иргэд майхан барин суулт хийж байна.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.