Алслагдсан дүүргүүдийн азтай сурагчид
УДБЭТ-ын хамт олон 2018 онд "Сонгодог урлаг хүүхэд, залуучууд" зорилтынхоо хүрээнд жилд дунджаар 4-5 удаагийн арга хэмжээг нийгмийн хариуцлагынхаа хүрээнд зохион байгуулж буй. Энэ удаа алслагдсан гурван дүүргийн гурван сургууль сонгон авч, амжилт бүтээл, сурлага хөдөлмөрөөрөө тэргүүлж буй анги хамт олныг урамшуулан шагнаж, бэлэг гардуулах үйл ажиллагааг өнгөрсөн пүрэв гарагт зохион байгуулж, 250 гаруй сурагч хамруулсан юм.
Сонгинохайрхан дүүргийн 3680 сурагчтай 65-р дунд сургууль, 2800 гаруй сурагчидтай Сүхбаатар дүүргийн 35-р дунд сургууль, Баянзүрх дүүргийн 120-р дунд сургуулийн сурлага, авьяасаараа тэргүүлж буй бага ангийн 200 гаруй сурагчдад сэтгэлийн бэлгээ гардуулан өгч, тэдний баяр дээр баяр нэмэв. Театр нь сонгодог урлагаар олон нийтэд үйлчилж, тэдний гоо зүйн боловсролд анхаарал хандуулан ажилладаг ч энэ удаад тэр бүр урлаг соёлын үйл ажиллагаанд хамрагдаж чаддаггүй алслагдсан дүүргийн сурагчдад ийн урам зориг өгөв.
Энэ удаад БСШСЯ, УДБЭТ, Монголын балетын хөгжил сангаас хамтран дөрөв дэх жилдээ зохион байгуулж буй "Щелкунчик" балетын орчин үеийн шинэчилсэн хэлбэр болох "Цөмөөхэй" балетыг өнгөрсөн амралтын өдрүүдэд УДБЭТ-ын тайзнаа толилууллаа. Тэгвэл энэ сарын 30-нд театрын хамт олон "Хөгжмийн театр үүсэн байгуулагдсаны 68 жил, УДБЭТ-ын 55 жилийн ой" арга хэмжээг зохион байгуулахаар төлөвлөжээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.