Поп од Майли Сайрус жүжигчин Лиам Хэмсвөрт нар гэрлэжээ
АНУ-ын поп дуучин Майли Сайрус олон жил үерхсэн Австралийн жүжигчин Лиам Хэмсвөрттэй гэрлэсэн гэдгээ Инстаграм хуудсаараа дамжуулан олон нийтэд зарлалаа.
Алдартай хосын хурим өнгөрсөн долоо хоногийн ням гарагт болсон. Хуримын ёслолын гэрэл зургуудыг дэлгэжээ.
Хосууд хамгийн анх 10 орчим жилийн өмнө танилцаж байсан юм. 2012 онд сүй тавьсан гэдгээ зарласан ч жилийн дараа салж, 2015 онд эргэн нийлж дахин сүй тавьсан.
Хуримын ёслол Теннесси мужийн Франклинд байдаг Сайрусын эзэмшдэг харшид болжээ.
Ойн түймрээс болж өнгөрсөн сард хосын Калифорн муж дахь гэр нь шатаж, багагүй хохирол амссан.
Тэд гэрлэлтээ өргөн хүрээнд зохион байгуулаагүй. Зөвхөн гэр бүл, ойр дотны хүрээллээ урьсан байна. Сайрусын ээж Тиш, аав Билли Рэй нар оролцжээ.
Эх сурвалж: www.bbc.com, www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.