Дартсын ДАШТ-ний самбар "улайсч байна"

Англи улсын Лондон хотноо 26 дахь удаагийн Дартсын 2018-2019 оны "William Hill World Darts Championship" ДАШТ явагдаж байна. Нийт 96 тамирчин хүч үзэж буй ДАШТ 12 сарын 13-наас 2019 оны 1 сарын 1 хүртэл явагдах юм.

Урьд шөнө ДАШТ-ий шөвгийн 16 тамирчин шалгарлаа. Энд яах аргагүй шилдгүүд тунан үлдсэн нь тодорхой юм. Тухайлбал: Дэлхийн чансааны 1-т эрэмблэгдэж буй Голландын Майкл Ван Гервин, Дэлхийн чансааны 3-т эрэмблэгдэж буй Английн Роб Кросс, Дэлхийн чансааны 4-т эрэмблэгдэж буй Гари Андерсон нарын шилдгүүд тунан үлдээд байна. 

Одоогоор шөвгийн 8-д дэлхийн хошой аварга хоёр тоглогч шалгарч үлдээд байгаа ба Голландын Майкл Ван Гервин (2014, 2017 оны дэлхийн аварга) болон Шотландын Гары Андерсон (2015, 2016 оны дэлхийн аварга) нар юм. Бусад 12 тамирчин өнөө шөнө шөвгийн наймд үлдэх тоглолтоо хийх юм. Нийт 96 тамирчин оролцож буй ДАШТ-ий шөвгийн 16 хүртэлх бүх тоглолт тун өрсөлдөөнтэй, үзэгчдийг уулга алдуулж байлаа. Дартсын мэргэжилтнүүдийн дүгнэж байгаагаар энэ удаагийн ДАШТ-ий дартсын самбар "дүрэлзэн асч, улайсч байна" хэмээн бичицгээж байгаа юм. 

Дэлхийн хошой аваргууд шөвгийн 16-д учраа таарч чансааны номер 1 Майкл Ван Гервин Английн "Jackpot" хочит Адриан Левисийг (2011 болон 2012 оны дэлхийн хошой аварга) илт илүүрхэн буулган авч шигшээ 8-д шалгарч үлдлээ. 

Дэлхийн хошой аваргуудын гал гарсан тулааныг үзэж сонирхоно уу.