Мод модон материалын импортод татвар авахгүй боллоо
2019 оны нэгдүгээр сарын 1-нээс эхлэн Гаалийн албан татвараас чөлөөлөх тухай хууль хэрэгжиж эхлээд байна. Уг хуулийг өнгөрсөн оны тавдугаар сарын 10-ны өдөр баталсан юм. Хуульд тусгаснаар
- Импортоор оруулж байгаа гуалингаас бусад бүх төрлийн түлшний зориулалтын мод,
- Тууш чиглэлийн нимгэн давхаргатай хавтан /OSB/,
- Стандартын дагуу хийгдсэн, угсрахад бэлэн модон барилгын угсармал хийцийг гаалийн албан татвараас чөлөөлөх юм.
Уг хуулийг 2022 оны 12 дугаар сарын 31-ний өдөр хүртэлх хугацаанд мөрдөх бөгөөд гаалийн албан татвараас чөлөөлөх барааны жагсаалтыг “Барааг тодорхойлох, кодлох уялдуулсан систем /БТКУС/”-ийн ангиллын дагуу Засгийн газар батална.
Уг хууль хэрэгжиж эхэлснээр дотоод дахь ойн санг хамгаалах, нөөцийг нэмэгдүүлэхэд чухал ач холбогдолтой гэж хууль санаачлагчид үзэж байгаа юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.