Карлос Госныг батлан даалтанд суллахаас татгалзав
“Ниссан” компанийн гүйцэтгэх захирал Карлос Госн өнгөрсөн 11 дүгээр сарын 19-ний өдрөөс хойш Токиод саатуулагдаад байгаа юм. Токио хотын дээд шатны шүүхэд Госныг батлан даалтанд суллах хүсэлтийг удаа дараа хүргүүлсэн боловч шүүгчид татгалзсан хариу өгчээ.
Госны өмгөөлөгчид түүнийг батлан даалтанд суллавал хянах төхөөрөмж зүүлгэж, гурван пасспортыг нь хураалган, харуулын хяналтад байна гэдгийг баталсан ч татгалзсан хариу сонссон байна. Тэрээр олон сар хоригдож байгаа нь хууль бус гэж өмгөөлөгчид нь үзээд байгаа юм.
Токиогийн шүүх чухам ямар үндэслэлээр батлан даалтанд суллахаас татгалзаж буйгаа тодорхой мэдэгдээгүй гэж үзэж байна. Энэ нь Японы хууль, шүүхийн байгууллагын тогтолцоог шүүмжлэхэд хүргэжээ.
Ниссан, Мицубиши, Реноль компаниудын удирдах зөвлөлд албан тушаал хашиж байсан 64 настай эрхэм цаашид хоригдсоор байх нь тодорхой боллоо. Ниссан, Мицубиши компаниуд түүнийг баривчлагдсаны дараа халсан бол Ренолийн зүгээс шүүх хурлийн шийдвэр гарах хүртэл хүлээж байна.
Карлос Госн шүүхийн тулгаж буй мөнгө угаасан гэх гурван төрлийн хэргийг хүлээн зөвшөөрөхгүй, гэм буруугүй гэсэн байр сууриа хамгаалсаар байгаа юм.
Эх сурвалж: www.bbc.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.