Хуурамч улсын дугаартай замын хөдөлгөөнд оролцохгүй байхыг анхаарууллаа
Сар шинийг баярыг угтаж замын хөдөлгөөний ачааллыг бууруулах чиглэлээр маргаашнаас эхлэн /2019.01.27/ баярын өмнөх амралтын өдрүүдэд тээврийн хэрэгслийг улсын дугаарын сүүлчийн оронг тэгш, сондгойгоор хязгаарлан хөдөлгөөнд оролцуулах юм.
Уг зохицуулалттай холбоотойгоор иргэдээс улсын бүртгэлийн дугааргүй, хуурамч улсын бүртгэлийн дугаар бүхий тээврийн хэрэгслээр замын хөдөлгөөнд оролцох зөрчил ихээр гаргадаг тул цагдаагийн байгууллагаас иргэдийг хуурамч улсын дугаар бүхий тээврийн хэрэгслээр болон хязгаарлагдсан дугаартай хязгаарлалт тогтоосон автозамуудад хөдөлгөөнд оролцохгүй байхыг зөвлөж байна.
МУ-ын Зөрчлийн тухай хуулийн 14.7.12 дахь хэсэгт зааснаар “Улсын бүртгэлийн дугааргүй, эсхүл дугаараа нуун далдалсан тээврийн хэрэгслээр замын хөдөлгөөнд оролцсон бол хүнийг хорин таван нэгжтэй тэнцэх хэмжээний төгрөгөөр”, 14.7.13 дахь хэсэгт зааснаар “Хуурамч улсын бүртгэлийн дугаар бүхий тээврийн хэрэгслээр замын хөдөлгөөнд оролцсон бол гурван сарын хугацаагаар жолоодох эрхийг хасаж хүнийг тавин нэгжтэй тэнцэх хэмжээний төгрөгөөр торгох” арга хэмжээ авах юм.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.