Нэг хүнд хоёроос дээш сар шинийн барилдааны тасалбар зарахгүй
Монгол Бөхийн өргөөг тойрсон маргаантай асуудлууд шийдэгдсэн ч энэ жилийн Сар шинийн барилдаан "Буянт-Ухаа Спортын ордон"-д зохион байгуулагдах ажээ. Барилдааны тов эцсийн байдлаар гарсан тухай Ерөнхийлөгчийн тамгын газраас мэдээллээ.
Нэг хүнд хоёроос дээш тасалбар зарахгүй бөгөөд иргэд иргэний үнэмлэхтэйгээ ирэх шаардлагатай
Сар шинийн барилдаанд 256 бөх барилдах бөгөөд хоёрдугаар сарын 4-ний өдрийн буюу битүүний өдрийн 12:00 цагт эхлэх юм.
Тасалбар Буянт-Ухаа Спортын ордны билетийн кассан дээр 10,000 төгрөгийн үнэтэйгээр 10:00-19:00 цагийн хооронд худалдаалагдаж байна. Билетийн касс өдөр бүрийн 10:00-19:00 цагийн хооронд ажиллаж байгаа. "Буяант-Ухаа Спортын ордон" 5,000 хүний суудалтайгаас өнөөдрийн байдлаар 2,000 орчим тасалбар зарагджээ.
Тасалбар шаглаж зарахаас урьдчилан сэргийлэх зорилгоор нэг хүнд хоёроос дээш тасалбар зарахгүй бөгөөд тасалбар худалдан авах хүсэлтэй иргэд иргэний үнэмлэхтэйгээ ирэх шаардлагатай гэнэ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.