Д.Дэмбэрэл: УИХ-ын гишүүд МУЗН мэтийн олон нийтийн байгууллагын дарга болдгоо болимоор

УИХ-ын дарга, УИХ-ын гишүүн асан Д.Дэмбэрэлтэй манай сэтгүүлч ярилцлаа. 

Тэрбээр, 

-"Пропоцианал тогтолцоогоор сонгосон бол ёс зүйн хариуцлага алдсан УИХ-ын гишүүнээ намууд солиод тавьж болно" гэсэн зүйл ярьдаг. Гэхдээ сонгуулийн тойргийг зөв байгуулаад, нийт ард түмнээс УИХ-ын гишүүд сонгогддог нь хэвээр байж байвал уг нь ашигтай даа. Үүнийг Үндсэн хуулийн өөрчлөлтгүйгээр сонгуулийн хуулиар өөрчлөх боломжгүй. 

Сонгуулийн олон хэлбэрийн тогтолцоог бид туршсан. Гаднаас шинэ зүйл эрж хайх шаардлага байхгүй. Туршсан зүйлээ дахин дахин эргүүлээд байх нь зохимжгүй. Ойлгомжтой болсон зүйл дээр хүртэл эргээд яриад байна шүү дээ. 

Миний хувьд "ард түмэн өөрийн төлөөлөгчөө сонгох нь зөв" гэсэн байр суурьтай байгаа.  Сонгуулийн пропоцианал тогтолцоог авч явах хэмжээнд намууд төлөвшөөгүй байна. 

Өнөөдөр хэлэлцэж байгаа дэгийн тухай хууль бол 30 орчим жил мөрдөгдсөн, муугүй хууль. Хуулийг тогтвортой мөрдөж сурах хэрэгтэй. УИХ-ын гишүүний салан задгай байдлын тухай заалтуудыг би "болъё" гэж хэлдэг. Тухайлбал, өглөө ирцээ бүрдүүлчихээд гараад явчихдаг. Санал хураахад татгалзсан саналаар тооцогддог. Энэ мэтийг засах шаардлагатай. 

УИХ-ын гишүүд олон нийтийн байгууллага, МУЗН ч юм уу, спортын холбоодын дарга хийж байна. Энэ нь ирцнээс хумсалдаг шүү дээ. Энэ мэтийг болимоор байгаа юм. 

УИХ-ын дэг сахиулагч гэж олон улсад байдаг. УИХ-ын зохион байгуулагч нарт гишүүдэд шаардлага тавих хуулийн өндөр заалт байхгүй. 

Ийм зүйлүүдийг УИХ-ын гишүүд хүлээж авах нь юу бол. Өөрсдөдөө зав, сул цаг гаргах гэж хичээж байдаг хүмүүс л дээ.