И-баримт иргэдийн мөнгийг хулгайлсан уу?

Иргэдийн и-баримтын урамшууллаас мөнгө нь хасагдаж, зарим нь бүр 0 төгрөг болсон асуудал өчигдөр орой буюу гуравдугаар сарын 04-нд гарсан. Өнөө өглөөний байдлаар ч энэ байдал засагдаагүй байгаа тул иргэд цахим хуудаст ихээхэн шуугиан тарьж, “и-баримт мөнгө хулгайллаа” гэх хардлага үүсгээд байна.

Тухайлбал, иргэн Г.У 2019 он гарсаар и-баримтын урамшуулал нь 13000 төгрөг болсон байсан ч өчигдрийн дотор 10000 төгрөг нь алга болж, 1300 төгрөгтэй үлджээ. Энэ мэтээр зарим иргэнийх бүр 0 төгрөг ч болжээ.

Харин энэ асуудал дээр Татварын Ерөнхий Газрын хэвлэлийн төлөөлөгч “E-barimt системд хөгжүүлэлт хийсэнтэй холбоотой 23:00 цагаас 23:50 хүртэл сүлжээ салгаад эргэн хэвийн горимд шилжүүлсэн. Иргэдийн бүртгэл серверт хадгалагдаж явдаг тул мэдээлэл устах боломжгүй болно. Цаашид хөгжүүлэлтийг шөнийн цагаар хийхэд анхаарах болно” гэлээ. 

Ямартай ч саатал арилахад, иргэдийн урамшууллын мөнгө хэвийн байдалдаа орох нь ээ.