Ватикан дэлхийн хоёрдугаар дайны үеийн нууц архивыг дэлгэнэ
Дэлхийн хоёрдугаар дайны үед Гитлерийн Фашист үзэл сурталтнууд зургаан сая гаруй Еврей хүний аминд хүрсэн гэж үздэг. Энэ үеэр Католик сүм хийд Еврейчүүдийг аварч хамгаалахын төлөө дуу хоолойгоо хүргээгүй гэсэн шүүмжлэлд өртсөөр ирсэн.
Уг шүүмжлэлийг няцааж дэлхийн хоёрдугаар дайны үед Католик сүм хийдийг тэргүүлж байсан Ромын пап 12 дугаар Пиотой холбоотой архивын нууц баримт материалуудыг ирэх оны хавар олон нийтэд дэлгэн танилцуулахаар болжээ. Энэ талаар Ромын пап Францис мэдэгдэж 1939-1958 оны хооронд бичигдсэн олон зуун мянган захидал, үг яриануудыг дэлгэн харуулснаар шүүмжлэлийг намжаана гэж үзэж байна.
Францис папын хэлснээр Ватиканд байрладаг бүх газар архивын баримтаа 2020 оны гуравдугаар сарын 2-ны өдөр дэлгэж олон нийтэд харуулна.
Дэлхийн хоёрдугаар дайны үед Ватиканыг тэргүүлж байсан Пио пап Адолф Гитлерийн эсрэг чимээгүй тэмцэж байсныг эдгээр баримтууд гэрчлэх юм байна. Тухайн үеийн нөхцөл байдлаас шалтгаалж Ромын пап далдуур нууц уулзалт, уриалга явуулж, далд дипломат ажиллагаа гүйцэтгэж байсан гэж Ватиканаас хамгаалдаг юм.
Эх сурвалж: www.cnn.com
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.