С.Жавхлан: Бид тулгын гурван чулуу болж шударга үнэний галыг бадраана
УИХ-ын гишүүн С.Жавхлан өнөөдөр/2019.05.02/ УИХ-ын гишүүн Л.Болд, Ж.Батзандан нарын байгуулсан "Шударга иргэдийн нэгдсэн эвсэл" шинэ намд элсэж байгаагаа мэдэгдлээ.
Тэрээр энэ үеэр, УИХ-д ихэд ганцаардаж байснаа онцлоод иргэдийнхээ санал, хүсэлтийн дагуу Л.Болд, Ж.Батзандан нарын гишүүдтэй нэгдэж байгаагаа хэллээ. УИХ-ын гишүүн С.Жавхлан Л.Болд, Ж.Батзандан нартай нэгдсэнээр тулгын гурван чулуу болж үнэний галыг бадраана гэж итгэж байгаа аж. Цаашид олон олон ажилд хамтран ажиллах болно гэдгээ ч онцоллоо.
Тэд шударга эх орончдыг намдаа элсүүлэхэд нээлттэй бөгөөд Увс, Ховд, Завхан, Булган, Говь-Алтай гэсэн баруун таван аймагт ажиллахаар маргаашнаас замд гарч байгаа ажээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.