LIVE: С.Эрдэнэ: Сонгуулийг явуулахгүйн тулд зардал, хугацаатай холбоотой хоёр дахь гаргалгааг гарган иржээ
УИХ-ын гишүүн, АН-ын дарга өчигдөр болсон ҮХЦ-ийн дунд суудлын хуралдаанаас гарсан шийдвэрийн талаар байр сууриа илэрхийллээ.
-Судлаач Д.Ганхуягийн гомдлыг ҮХЦ хэлэлцэх гэж байна гэсэн л мэдээлэлтэй байсан. Харин энэ үндэслэл нь олон нийтийн зүгээс шүүмжлэлд өртсөн. Цэц ч хүлээн зөвшөөрөх боломжгүй байсан. Иймд хоёр дахь гаргалгаа болгож сонгуулийн санхүүжилт болон хугацаатай холбоотой гомдол гаргаж ирсэн байна. ҮХЦ үүн дээр нь ядмагхан дүгнэлт гаргасныг би харлаа.
ҮХЦ-ийн шийдвэрийг УИХ хүлээн авсан ч, эс авсан ч Хэнтийн 42-р тойргийн нөхөн сонгууль болох боломжгүй. Хүлээн авбал УИХ өөрийн буруугаа хүлээсэн болно. Хүлээн авахгүй гэвэл ҮХЦ Их суудлынхаа хуралдаанаар хүчингүй болгоно. ҮХЦ эрх баригчдын эрх ашгийн хамгаалж, тэдний хүслийг гүйцэтгэдэг байгууллага болжээ. Хэнтийн 17 000 сонгогчдын эрх ашгийг уландаа дэвсэлж байна.
Бид тус тойрог дээр гурван удаа судалгаа авсан. Гурвууланд нь нэгээр, АН ба Ж.Оюунбаатар, хоёроор, МАН ба У.Хүрэлсүх, гурваар МАХН ба Н.Энхбаяр нар гарч байсан.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.