Үйлдвэрчний эв нэгдэл намыг бүртгэхээс татгалзав
Үйлдвэрчний эв нэгдэл намыг улсын бүртгэлд бүртгүүлэх тухай хүсэлтийг Улсын Дээд шүүх 2019 оны 6 дугаар сарын 17-ны өдөр хянан хэлэлцжээ.
Хүсэлтэд хавсаргасан баримт нь Улс төрийн намын тухай хууль болон Хуулийн этгээдийн улсын бүртгэлийн тухай хуульд заасан намыг үүсгэн байгуулахад баримтлах хуулийн зохицуулалтуудын шаардлагыг хангаагүй гэж үзэж, Дээд шүүх уг намыг улсын бүртгэлд бүртгэхээс татгалзав.
Мөн Зон олны намын дүрэмд орсон нэмэлт өөрчлөлтийг бүртгүүлэх тухай тус намаас гаргасан хүсэлтийг хэлэлцжээ.
Зон олны намын 2019 оны 4 дүгээр сарын 28-ны өдрийн ээлжит Бага хурлаас намын дүрэмд оруулсан нэмэлт өөрчлөлт нь Үндсэн хууль, Улс төрийн намын тухай болон бусад хууль зөрчөөгүй хэмээн үзэж, тус намын дүрмийн өөрчлөлтийг бүртгэв гэж Улсын Дээд шүүхийн хэвлэл мэдээллийн албанаас мэдээллээ.
Сэтгэгдэл (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.